طبعاً كلنا عارفين النجرسكو
وكلنا عارفين انه شوية شبه المكرونة بالبشاميل
بس الاختلاف ان بدل ما نحط لحمة مفرومة نحط فراخ وبدل المكرونة القلم بنعمله بمكرونة اسباجتي
وككمان بنحط شوية بشر للجبنة الرومى
لكن ماما عملتلنا طريقة مختلفة شوية في عمل النجرسكو قربتها من المكرونة البشاميل اكتر من ناحية وبعدتها من ناحية تانية
مكن تكونوا لحد دلوقتي ازاي قربتها وبعدتها واعترف انى لحد دلوقتي لسة بتكلم بالالغاز
اصبروا دلوقتي افهمكوا على كل حاجة
اولاً هاقولك وا المقادير:
مكرونة قلم(وهي دي النقطو اللي قربتها فيها للمكرونة البشاميل)
صدور فراخ مقطعة صغير
فلفل الوان(وهي دي النقطة اللي بعدتها فيها عن المكرونة البشاميل لأنه عادة مبنحطش فلفل الوان على المكرونة البشاميل على الاقل عندنا في مصر)
مل وفلفلل على سب الرغبة
بصل
طماطم مقطعة ممكعبات
جبنة رومى مبشورةعلى حسب الرغبة
وطبعاً البشاميل العادى بتاعنا اللي كلنا عارفين طريقته وهي هي الطريقة بتاع المكرونة البشاميل
الطريقة:
اول اجة عايزة اقولكوا قبل كل حاجة اسلقوا المكرونة واعملوا البشاميل لأن الفراخ مش هتاخد وقت في عملها
بالنسبة للفراخ بقى
نقطع البصل ونحطه يتشوح شويةوبعدين نحط الفراخ اللي انا طبعاً مقطعينها صغير قبل كدة
وبعدين نتبلها وبمجرد ما تتشوح شوية كدة وبعدين نحط الفلفل الالوان وبمجرد ما يدبل تكون خلطة الفراخ جاهزة
لأن صدور الفراخ بذات مش بتاخد وقت في السوا وبعدين احنا كمان هنحطها في الفرن
ماما بقى مش بتحط الفراح في النص لأ بتقلبها في المكرونة علشان تاخد طعم
وبعدين ناخد تقريباً نص كمية البشاميل ونمزجهم كلهم مع بعض والنص التانى من البشاميل هنحطه على الوش
نحطهم في الصينية ونحط البشاميل عليهم من فوق
ونكون مسخنين الفرن من قبلها على درجة حرارة عالية ونسيبها لحد ما البشاميل ياخد اللون
وبعدين نسيبها تبرد شوية صغيرين علشان مترقش لساننا واحنا بناكل وبعدين نقول بألف هنا وشفا
وِطِنَے
