غربة عمر مثل الحياة العنيــــــــدة
فيها الحزن عقد وفيها الشقا طـوق
غربة عمر رحلة عذاب جديــــــدة
وما كل منهو صار مطرود ملحوق
قصة كتبها جاير الوقت بيـــــــــده
وعود محاها وانتهت قصة الشـوق
----------
----------
هو رضا بإنكار حبي واعترافــــــه
مات حبه لي وسط زحمة حنـــــان
ليت من يحرق تباعيد المسافــــــة
ليت من ياصله لو بعد المكـــــــان
ليت من يوقف على رملة ضفافـــه
لو وداع الموت له في يوم حـــــان
----------
----------
بيني وبينك ما تصير التفاريــــــق
مدام حبك كل شي بحياتـــــــــــي
بعض الكلام يحسني حيل واضيق
واقابل امواج العتاب بساكتـــــــي
لا لا يهمك جميع المخاليــــــــــق
مادام انا ذاتك وانت ذاتـــــــــــي
----------
----------
لو كتبت اروع قصايد بالعمــــــر
كل أحاسيس الهوى تخضع لودك
لو جمعت الدر واصداف البحـــر
ما تعادل كلها لو ربع وجـــــــدك
لو قطفت الود من حلم الزهـــــــر
باقة أشواقي اهي تنبت بيــــــــدك
----------
----------
بسامحك يا عابر الشوق مــــــــــره
واقول وش حدك على قطع وصلي
بين العذاب وبين وقت المســـــــره
دقايق تبكي معي واضحكت لـــــي
لله در الحــــــــــــــــــب .. لله دره
كم عذب العشاق قبلك وقبلــــــــي
----------
----------
ما خبرت الحب انا قبلك صعــب
لين اعماني من الريح الغبـــــــار
كل عمر راح قبلك ما انحســــب
تايه مالي ابلاد ولا ديـــــــــــــار
كان لي حنيت ذا عز الطلـــــــب
وكان ما حنيت نسيانك قـــــــرار
----------
----------
حرام الخوف يقتل حبنا اللـــــــــي
يغطينا عن الشمس بظلالـــــــــــه
حرام الخوف ياخذني بصـــــــدره
ويسدل ليله الأسود بدالــــــــــــــه
جدار الخوف ذا لازم أهــــــــــده
واسطر لك انا قلبي رسالـــــــــــه
----------
----------
دل الطريق وضيع الوقت غاديـــــه
بين الزمان وبين قسوة ظروفــــــه
لا عاد يبكيني ولا عاد ابكيــــــــــه
ولا عاد هو شوفي ولا نيب شوفــه
اقفى وخلاني ولي حاجة فيـــــــــه
واللي منعني عنه خوفي وخوفــــه
----------
----------
والريح تصفع نظرتــــــــــــــــي
والدرب يتعب خطوتـــــــــــــــي
وامشي وهدتني الخطــــــــــــــــا
يا ساهر الليل هذي يــــــــــــدي
بشكي معك حبـــــــــــــــــــــــي
وها الحظ الـــــــــــــــــــــــردي
----------
----------
انا بستحلف اعيونك وقلبـــــــــك
عذاب العام فيني لا تثيـــــــــــره
خلاص ارجوك خل الحب الاول
زمان راح شره بعد خيــــــــــره
ابي وياك نبدا حب ثانــــــــــــي
بقا في عمرنا أيام كثيــــــــــــره
----------
----------
انت مثل البحر لك قلب كبيـــــر
عشت في دنياك في حب وسلام
انت مثل الغيم خير وفيه خيــــر
صرت نوم اللي عيونه ما تنــام
انت مثل النور في عين الضرير
لا لمحتك ما بقى حولي ظــــلام
----------
----------
الليل من دونك ترى شين ومخيف
وشلون اقضي باقي الليل دونــــك
عذب الحديث وهمسنا والسواليف
ومحاولة تبديد غيمة ظنونــــــــك
ماقد خبر وسط الشتا ياتي الصيف
وما ظن شخص يحب مثلك يخونك
----------
----------
ابكي على ما فات واضحك لما فات
واصبر واخفي ونة مستكنـــــــــــه
ان قلت يرجع لي يقولون هيهـــات
وعني مقادير الظروف أبعدنـــــــه
عاش الهوى بسكات وانهار بسكات
مثل الشجر لا مات بسكات كنــــــه
----------
----------
طريق الليل ليمن جيت امـــــــــره
دعاني صوتك الدافي دعانــــــــي
ياليت اسرق من العمر المســــره
ياليت انه معك يوقف زمانـــــــي
علي متأخر بالحيل مـــــــــــــره
وراح الليل صوتك ما لفانـــــــي
----------
----------
ياشين بعدي عنه والنفس تهـــــواه
مقوى بعاده لي ولا غيب عنهـــــا
حبه نشا في خافقي ثار بدمـــــــاه
اتصير منه الروح ويصير منهـــا
وان قالوا انسى قلت صعب انســـــــاه
وغلطات غيري صرت انا ادفع ثمنها
----------
----------
تعال وما مضى فيني كفايـــــــــــه
ترى للعمر بالدنيا نهايــــــــــــــــه
تعال وملت اشواقي تنــــــــــادي
غلاك يصير شي من غلايــــــــه
ترى كل العمر رجعة مسافــــــــر
وفيها ينتهي عند البدايـــــــــــــــه
----------
----------
عذرك خذه خله معك .. لا تعتذر
عذرك وهم فيه الدعاوي تحتضر
عذرك خذه خله معـــــــــــــــــك
يمكن في يوم ينفعـــــــــــــــــــك
----------
----------
يا بعيد الدار من عيني بعيـــــــــد
الله اكبر كيف تبعدك الظـــــروف
منت عقبي .. منت مرتاح وسعيد
وصرت عقبك بين هم وبين خوف
آه لو يكتب لنا عمر جديـــــــــــــد
كان عشنا سطر من بين الحروف
----------
----------
انا ما ابكيك أنا ابكي حلم عمري
انا ابكي جنة الحب الجميلـــــــــه
نفذ من دنيتي مخزون صبــري
وليل الحلم جدد بي رحيلــــــــــه
اشوف بخطوتك أحلام شعــــري
بكتك وضيع الخافق دليلـــــــــــه
منقول
تحياتي لكم الحاااااااااره
نِقِآِطِے
