السلام عليكم ورحمة الله وبركاتة
هلا وغلا فيكم
موضوعي اليوم خفيف ولكن دسم !!
يعني كل سطر يعني الكثير الكثير
وهي وارده بالحياه والمنتديات ومجال العمل
فلنبدأ ...
1- قمة القهر اذا رفعت واحد لين صار مشرف وفجأه تلقاه
يخطط من وراك.
2- قمة القهر إنه اللي يتكلم في الحق ينطرد.
3- قمة القهر حكم القوي على الضعيف مع ان الضعيف يعطي
القوي على قد عقله.
4- قمة القهر اذا مشت القوانين على الضعيف وما تمشي على
الي كل يوم يقول نفذوهم.
5- قمة القهر اللي يعتبر الخيارات الاداريه بيض وطماط يتريق فيهم.
6- قمة القهر اذا جااك واحد يصارخ عليك مع انه غلطان.
7- قمة القهر اذا عطيت الطفل وجه تلقاه اليوم الي وراه يطقك
بعصاة.
8- قمة القهراللي يطلع المشاكل من تحت الارض ويلعب دور
المسكين.
9- قمة القهر انه ينقال عن الناس ان فيهم غرور وهو الغرور
مصنوع منه.
10- قمة القهر اللي يلعب على الناس ويحسب انه ذكي..
11- قمة القهر اللي يتلزق باللي فوقه عشان يسوي الي في باله .
12- قمة القهر اللي يسوي روحه مسكين عشان يكسر خاطر الناس.
13- قمه القهر تسوي جميل في إنسان وتكتشف بيوم من الايام انه مايستاهله..
14- قمه القهر لما تبذل مجهود كبير على شيء ومايتحقق اللي في بالك..
15-قمه القهر لما تكون حريص على مصلحه احدهم ويقابلك بالغرور..
16-قمه القهر لما تشوف انسان مخطي ولما تنصحه يقول لك وش دخلك..
17- قمه القهر اني بنزل الموضوع وانا ماكملته..
تمنياتي لكم بالتوفيق
وِطِنَے
