تعيشون وتاكلون غيرها

تعيش وتاكل غيرها السلام عليكم ..

مواقف وايد تصير لنا بالحياة العامـــه

و التعليق على هالمواقف أكــثــر

مواقف صارت لي ..

و نقالي ..

( تــعــيــشـيـن وتــاكــليــن غـــيــرها .. )


لما تــثـق بشخص .. وتأمنه على أسرارك .. وكل ما تملك ..
وفجأة .. يكسر فيــك ..

يقولولك .. تعيش وتاكل غيرها ..


لما تكون كاشخ وراز عمرك .. وكل النظرات عليك .. وانت منغر بنفسك .. و الثقة ذابحتك
ما تحس إلا وانت .. متكرفس وطايح ..

يقولولك .. تعيش وتاكل غيرها


لما تكون عايش قصة حب .. وذايب لي أخرك .. وعايش دنيا غير الدنيا
نوصل لنهايــة .. ويقولك كنا نلعب ..

يقولولك .. تعيش وتاكل غيرها ..


لما تلبس روب التخرج .. و الكل يصفق لك .. وانت الأول على الدفعــه .. و الكشره شاقه الحلج ..
ينادونك .. ولا انت جدامك سـنه و 12 شهر و 365 يوم على التخرج .. وباجر عندك امتحان فاينل

يقولولك .. تعيش وتاكل غيرها ..


لما تكلم شخص وتسولف له وانت رايح .. تشكي و تقول و صار و راح و رد ..
بنص السالفة .. تكتشف ان الشخص الي تكلمه مو اهو الي في بالك

يقولولك .. تعيش و تاكل غيرها ..


لما تكتب موضوع .. وانت عادله من جم يوم .. وعيونك راحت من كثر الطقطقه على الكيبورد ..
ترد بتشوف الردود .. إلا ردين .. ويشلموو .. و يعطيك العافية خيوو حتى مو خيتو ..

يقولولك .. تعيش وتــاكل غـيرهــا ..


إذا قريتوا الموضوع .. و ماعجبكم .. او لقيتوا فيه بدليات ..
وتحسون انكم ضيعتوا وقت عليه ..

بقول لكم ..
تعـــيشــون وتــاكلــون غــيــرها ..

تــقــبــلــوا تحيــاتـــــي ..

واااااااااااااااااااااااو
شكرااا عل الموضوع الرائع مثلك يا قمر

موضوع راااائع مثلك

والله معكى حق تسلمى

شكرا ع الرد الجميل غلاتو
ربي يسلمكي من كل شرا

مشكوووره على الموضوع الروووعه ...

العفوووووووووو ولوووو هذا واجبي