محشي الخيار
المقادير :
2 كيلو خيار
لحمة ناعمة للحشو .
2 كوب أرز مصري للحشو .
ملح - بهار - ملعقة ص سمنة سايحة - فلفل أسود -
حمص حب
الطريقة :
بنغسل الخيار ونقص طرفة بالسكين (نفس الكوسا) لما بدك تحفرينه ونبدا بحفر الخيار نفس طريقة الكوسا والباذنجان وبعدين بنجهز الحشو بنحط الأرز المنقوع بالماء الساخن طبعا بنصفي الماء وبنضيف عليه اللحمة الناعمة والحمص المسلوق طبعاً والملح والسمن والفلفل والبهار ونخلطهم ونحشي الخيار وبنسكرة إما بقمعة الخيارة أو ببطاطا مقطعة مكعبات وبنحطهم في طنجرة أي جدر أو حلة حسب لهجات الأخوات ونغمرهم بالماء مع ملعقة ملح الى أن يستووا وبعدين بنصفي الماء عنه وبنقليه بالزيت وبنصفه في جاط ... ولب الخيار لا ترموه نقوم بفرمه ناعم ونعمل منه سلطة خيار باللبن ونحط اللبن عليه طبعاً وملح .. ويزين بالنعنع الناشف .
محشي الخس
المقادير : متل مقادير محشي ورق العنب
ورق خس
رز
بقدونس
فلفل اسود
لحمة مفرومة
ثوم
بهارات
ملح
بصل مفروم صغير صغير
زيت ذرة وسمن نباتي وكلها حسب الرغبة
وبس
يا رب ما اكون نسيت اشي
طريقة العمل :متل طريقة ورق العنب
وضع المقادير كلها مع بعض
اما اللحمة بنقليها بالزيت والسمن بس ما نخليها تستوي كويس نص استواء
ونلف ورق الخس المقطع متل ورق العنب بشوية من خلطة الرز ونلفها
ونطبخه متل ورق العنب بالمي ونرش عليه شوي ملح
ونطبخه
نِقِآِطِے
