:P
كيفكم صبايا شو اخباركم
اليوم جايبة لكم مندي بطريقة جديدة خلونا نبدا
المقادير :
دجاجتين
كيلو رز بسمتي
بهارات مندي
زنجبيل ناعم
ورق غار
قرفه عيدان
ملح
قرنفل كم حبه
فلفل اسود
هيل
فلفل حلو ملون مشكل
بصلتين
كم سن ثوم
بندوره
ليمون
زيت زيتون
الطريقه:
اول شيء ننظف الدجاج جيدا وننزع عنه الجلد
وبعد فركه بالليمون ..ندير عليه التتبيله ونتركه منقوع
((وبضيف له صبغة الزعفران لون اصفر )).
كلما تركتوه منقوع أكثر بيطلع أطيب
ندور عليه ملعقة زنجبيل ناعم ملعقة هيل مطحون
وملعقتين صغار بهارات المندي وزيت زيتون وفلفل اسود
مطحون وملح حسب الرغبه وبدير عليه ملعقتين كبار خل
و نفركه مزبوط بالمكونات ونحاول بالسكين نعمل
شقوق بالدجاج حتى يدخل الطعم قلب الدجاج وبتركه بالثلاجه
ننقع رز مدة ربع ساعه وبغسل مزبوط وبصفيه
نحضر تتبيلة الرز بفرم البصل ناعم والثوم والفلفل الحلو
الملون وحبتين بندوره وبقلب البصل بالزيت حتى يسير
لونه ذهبي وبضيف له التوم والفلفل الحلو الملون
احمر واخضر واصفر بيعطي منظر حلو للرز وطعم اكيد
و نضيف البندوره و نقلبهم جيدا و بعدين نضيف مرق دجاج
واذا مافيه نستعمل ماجي
بعد مانقلب البصل بالزيت نضيف عليه الرز ونقلبه معه
ونضيف له قرفه عيدان كم عود وكم حبة هيل
ونضيف مرقة الدجاج ونتركهم يغلوا شوي
بعدين نجيب قرن فلفل حار بشيل بذوره
ونحطه مع الرز وبغطيهم بورق الألمنيوم
ونحطهم بالفرن على نار خفيفه مدة 30دقيقه وبعد ما يستوي
نحط بكاسه شوية زيت ونحمي فحمه عالنار وبس تتجمر
بحطها بكاسة الزيت وبحطها بالطنجره وبرجع نغطيها
بالألمنيوم كويس و نرجعه بالفرن ونتركه ياخد نكهة الفحم ....وهيك جهز الرز عندنا
نرجع للدجاج نحطه بألمنيوم نضيف معاه شرائح
جزر وبطاطا ونحط معه بصل صغير ونشويه بالفرن
وبعد ما يستوي
نعمل نفس الشيء نجيب كاسة زيت وفحمة علشان ننكهه بالفحم
وبعد ما يجهز كل شيء نصفي الدجاج عالرز ونضيف
عليه الزبيب والمكسرات
جربوها كتير طيبه و بالعافية ;)
وِطِنَے
