،،،،اليكم هذه القصة الغريبة التي يقشعر لها البدن
القصه تقول ان فيه بنت تدرس في الثانويه واسمها (عبير ) مره راحت السوق مع امها
وقابلت واحد و اخذت الرقم واتصلت عليه تعرفت عليه وهو
اسمه (خالد)المهم تعرفوا علي بعض وزادت العلاقه وقوت بينهم ...المهم كلن منهم
يبي يقابل الثاني ولا لقوا طريقه وفجأه جات فكره لخالد...
قال اقول عبير ليش ما نتشاوف عند المدرسه ..
قالت عبير:: كيف وضح؟؟؟
قال أسمعي انتي أبوك ينزلك الصبح ويروح الدوام صح؟
قالت :صح (( وهيه بعدها مب فاهمه ))..
قال : أنا اجي المدرسه وبتركبين معاي
قالت بس المديره بتكلمهم فالبيت
قال : اغلقي التليفون وارتاحي
قالت::بس خايفه اتوهق
قال : جربي ونشوف
المهم راح ابو عبير ووصل بنته للمدرسه ومشي .. وثواني الا وخالد واقف وركبت
عبير بسرعه وسااروا يتريقوون في الكوفي شوب الفخم وجلسو يسولفون ويوم جات الساعه
12.5راح خالد ونزل عبير وردت البيت وهي خايفه ا حد درى .. وكلمت خالد على
طول وقالت ان اهلها ما درو
وطمنته وسولفوا شوي وقال خالد شو رايك اقابلك باكر بعد
قالت :لالالا مب كل مره تسلم الجره
قال :المره هذي جايبلك هديه
قالت : تعال وبشوف الوضع
وجاء خالد في الوقت نفسه وركبت عبير
المهم... خذت عبير وخالد ع هالحال أسبوع كامل من السبت لين الاربعاء ...
ويوووم يا يوم السبت اليوم اللي نست فيه عبير تغلق التليفون.. وطلعت ويا خالد ..
ولا التليفون يرن ..قامت أم عبير (يالله صباح خير)
أم عبير:الووو
المديره ::الوو السلام عليكم
أم عبير :عليكم السلام من يتكلم؟؟
المديره::أنا الاستاذه هدى مديرة المدرسه اللي تدرس فيها بنتك
ام عبير::هلا.. عسى ما شر؟؟!!
المديره :لا مافيه الا الخير بس عبير لها أسبوع ما داومت عسى
ماهي مريضه ؟؟
أم عبير :كيف ...((وصرفت الموضوع)) ايو الله يسلمك البنت مرضت شوي بس
المديره : زين زين الف حمد الله على سلامتها... و مع السلامه
أم عبير دارت بها الدنيا وما تعرف شو تسوي تقول لا بو عبير
ولا تنتظر البنت وتسألها ؟؟..؟؟
المهم قالت لأبو عبير عن كل شيء وقال أسمعي لا تقولين لها
أي شيء أنا بشوف وين تروح...
ويوم الاحد وصل أبو عبير بنته وانتظر شوي وأنتظر الا هاك
اللكزس يجي وتركب عبير بنته المهم اللكزس كانت ملونه
ومشى وراها ابو عبير لين هذيك الشقق ونزلت عبير وخالد
وابو عبير نزل ومسك راعي الشقق
ووقاله راعي الشقق ان شقه 14 ساكن فيها خالد المهم .. طلع أبو عبير وهو يرقى الدرج ( السلم كان خالد نازل
وما أنتبه أبو عبير له المهم دق الباب وفتحت عبير وأنصدمت
يوم شافت أبوها وضربها وهي ركضت للمطبخ وشلت مطوى ( سكينه )
تبي تروع أبوها وغلطت وطعنته بصدره وفى قلبة 100 طعنة وطاح الأبو مغمى عليه
وجاء خالد وشاف الموقف وقال لعبير بسرعه شلي معاي الجثه الحمام
وحطوه بــــ ((البانيو)) وملووه ماي وحطو عليه صابون الغسيل عشان الرغوه (( ما يبون حد ايشوفه )) وطلعو
ورد خالد البنت للمدرسه وهي تفكر في
اللي صار حقيقه ولا خيال ..المهم طلعت من المدرسه وردت
مع الباص ودقت باب البيت الا المفاجأه الغريبه . @
^^^^
^
^^
^
^
^
أبوها فتح لها
....
وصاااااااااااحت وقالت ::أبوي موومعقوله؟؟....... انت عايش؟؟.......شلوون؟؟
.
.
.
.
.
.
.
رد وقال ::مع تـــــــــايـــــــــــــد ...... للغسيل مافيش مستحيل ....
نِقِآِطِے
