عملتوا إيه فى مصر ؟ ... عملتوا إيه فى مصر ؟
مصر لو تنطق تقول عصرتوا قلبى عصر
♥♥♥
فاكرين زمان زمان ... كان الإيمان إيمان
عمره ما كان يفرق ... بين أصحاب المكان
الإخوة فى الوطن ... كانوا لبعض السكن
مسلم و أخوه ميسحى ... صحبه و أهل و جيران
♥♥♥
سوا سوا سوا ... شلتوا الأحجار سوا ... و انتوا بتبنوا الهرم
سوا سوا سوا ...عشتوا الأيام سوا ... بين فرحة و بين ألم
و حاربتوا فى الميدان ... الظالم و الشيطان ... و الشر اللى هجم
و شربتم من سبيلى ... و أكلتم زرع نيلى
و الدم اللى فى عروقكم ... عملتوا بيه علم
♥♥♥
نسيتوا كل ده ... لما الشيطان ندا
علمكم القساوة ... و خلاكم عدا
♥♥♥
عملتوا إيه فى مصر ؟ ... عملتوا إيه فى مصر ؟
مصر لو تنطق تقول عصرتوا قلبى عصر
♥♥♥
عصرتوا قلبى عصر و كسرتوا قلبى كسر
و أنا من زمان زمان عزيزه و بنت أصل .
(النهاية )
وِطِنَے
